Sasuwene taun iki kita disugokake pawarta kang ngerarapu lan mbombongke ati sing ana gegayutane karo upayaning negara iki gawe para wadya balancing republik iki dadi gagah. Anggaran walanja kanggo bayangkaraning republik, utamane walanja alutsista diglontorake kanti gedhe-gedhean. Pamarentah liwat palulusan saka DPR wis netepke ardana angkane Rp 150 trilyun kanggo modernisasi pasanjatan TNI.
Donge kita bisa mangerteni lan ngregeni perjuangane wadya balaning negeri sing wajar banget yen nganggo alutsista modern, ora mung didandani ana ing upacara pengetan lan utawa unjuk dhiri.
Salah sawijining pawarta kang gawe bungahing ati yaiku rampunge Kapal Cepat Rudal sing digawe dening putra-putri Indonesia dhewe. Kapal kang apeparab KCR-40 Clurit iki digawe kanthi bahan-bahan dasar saka Indonesia mesthine sinambut kanthi mbombonging lan remen ing ati. Saengga kita bisa terus tancep gas kanggo ngembangke industri pertahanan mandiri. Mula kuwi ora prelu ngemis lan ngarep welas asihing negara liya, apamaneh yen ngengeti dene industri pertahanan kuwi dhewe mujudake bidang kang sensitif.
Kapal iki nggunakake bahan baja alumunium sing diegarake industry perkapalan ing Batam kanggo Indonesia lan jagad internasional. Kapal iki bakal dijangkepi karo system persenjataan modern arupa sensor pengendari senjata modern, Meriem kaliber 30 mm 6 laras minangka Sistem Persenjataan Tertutup sarta peluru kendali.
Anane kapal sing nduwe sistem pendorongan handal iki diangkah bisa mbiyantu nglaksanakake tugas-tugas TNI AL lan uga bisa dadi tambahan kakuwatan ing tapel wates. Kadekna kita saiki ngarep ora ana malih negara tangga sing wani unjuk gigi ngelewati tapel watese Indonesia yen ora gelem babak belur. Saiki wancine Angkatan Laut ngantukake semboyan sing unine Jalesveva Jayamahe, Neng Segara Kita Digdaya.
0 Tanggapan ke “Kapal Rudal Anyar Saka Batam”